“नागार्जुन नगरपालिका वडा नं. १० को वडाध्यक्षको हैसियतले यो वडास्तरीय वस्तुगत विवरण (वडा प्रोफाइल) सार्वजनिक गर्न पाउँदा म अत्यन्त हर्षित छु । यो वस्तुगत विवरण वडाको समग्र सामाजिक, आर्थिक, शैक्षिक, भौतिक तथा पर्यावरणीय अवस्थाको यथार्थपरक प्रतिबिम्ब हो, जसलेआगामी योजना, नीति निर्माण, सेवा प्रवाह तथा दिगो विकासका लागि भरपर्दो आधार तयार गर्नेछ । वडा नं. १० ऐतिहासिक, धार्मिक र सांस्कृतिक सम्पदा, प्राकृतिक सौन्दर्यले भरिपूर्ण र सामुदायिक सहअस्तित्वको अनुपम उदाहरण हो । यहाँ बसोबास गर्ने विविध जातीय, भाषिक र धार्मिक समुदायहरू बीचको सामाजिक एकता र सहकार्य वडाको प्रमुख पहिचान हो ।

हामीले शिक्षा र स्वास्थ्यमा पहुँच विस्तार, पूर्वाधार सुदृढीकरण, खानेपानी व्यवस्थापन, विपद् जोखिम न्यूनीकरण, सामाजिक सुरक्षा, वातावरण संरक्षण, र डिजिटल प्रविधिको प्रयोगलाई प्राथमिकतामा राखेर सेवा प्रवाहलाई प्रभावकारी बनाउँदै आएका छौँ । साथै, पर्यटन प्रवद्र्धन, स्थानीय सीप र स्रोतको परिचालन, साथै युवा तथा महिलाको सशक्तीकरणमा पनि निरन्तर अग्रसर छौँ ।
यस प्रतिवेदनको तयारीमा योगदान पु¥याउनु हुने वडा कार्यालयका कर्मचारी, जनप्रतिनिधि, स्थानीय संस्था, स्वयंसेवक, तथा जानकारी उपलब्ध गराउन सहयोग गर्ने सम्पूर्ण समुदायप्रति म आभार प्रकट गर्न चाहन्छु ।
हामी सबैको साझा प्रयासबाट वडा नं. १० लाई अझ समुन्नत, समावेशी, आत्मनिर्भर र नागरिकमैत्री बनाउने दृढ संकल्प व्यक्त गर्दछु”