देशको संघीय राजधानी, काठमाडौँमा अवस्थित नागार्जुन नगरपालिका यसको धार्मिक तथा पर्यटकीय गन्तव्यको दृष्टिकोणले देशकै एक सुपरिचित नगरपालिका हो । यो नगरपालिकालाई विभिन्न १० वडामा विभाजन गरिएको छ । जस मध्यकै एउटा वडा हो वडा नं.१०
नेपाल सरकारको निर्णय बमोजिम मिति २०७१ मसिंर १६ गतेको निणय अनुसार काठमाडौं जिल्लाका नार्गाजुन नगरपालिका साबिकको स्युचाटार गाउँविकास समितिका वडा नं. २, ४ ५, र साविकको स्युचाटार गाउँ विकास समिति अन्तर्गत रहेको यो वडा थापागाउँ, टप्पाकोट, खड्का गाऊँ, घ्याम्पे डोल, नेवार गाऊँ, कमलपोखरी, खत्री गाऊँ, पन्त टोल, रोका गाऊँ, लामिछाने गाऊँ र शिव डोल, डाडाँ पाटि चोक आदी गाऊँ टोल मिलेर वडा १० घोषणा भएको हो । भुसंरचनाको हिसाबले उपत्यका क्षेत्रमा पर्ने वडा नं. १०, क्षेत्रफलको हिसाबले १० वर्गकिलोमिटरमा फैलिएको छ । समुन्द्री सतहदेखि १३‍०‍० मिटरदेखि झण्डै १७‍०‍० मिटर उचाईमा अवस्थित यो वडामा करिब १० हजार जनसंख्याको बसोबास रहेको अनुमान छ । पुर्व र पश्चिममा नार्गार्जुन नगर पालिका वडा नं ९, दक्षिणमा र उत्तरमा काठमाडौं महानगर पालिका वडा १४ र चन्द्रागिरि नगरपालिका वडा १३ मा चन्द्रागिरी नगरपालिका रहेका छन् । वडाको २०८२ को तथ्याङक सङकलन अनुसार अनुसार वडाको कुल जनसंख्या ६६‍४‍६ रहेको छ । जसमध्ये पुरूष ३२‍९‍३ र महिला ३३‍५‍३ रहेको छ । घरधुरी संख्या १५‍४‍३ रहेको यस वडामा मुख्यरुपमा बाहुन, क्षेत्री, नेवार, मगर, सन्यासी जस्ता जातीको बाहुल्यता रहेता पनि बिभिन्न जातजाती, समुदाय तथा धर्मावलम्विहरु बसोबास रहेको छ, जसमध्य अधिकांश जनसंख्या हिन्दु, इसाइ र बौद्ध धर्ममा आस्था राख्ने पाईन्छ । ऐतिहासिक, धार्मिक तथा पर्यटकिय गन्तब्यको रुपामा महत्व राख्ने महत्वपुर्ण स्थलहरू १. तार्केश्वर महादेव मन्दिर २. भैरवी मन्दिर ३. यज्ञश्वर महादेव मन्दिर ४. कृष्ण मन्दिर ५. पन्चकन्या मन्दिर ६. कोटकी पञ्चकन्या देवी मन्दिर ७. कमलपोखरी ८. घ्याम्पे कुवा क्रियापुत्री भवन ९. रेठ्डे पँधेरा, बिभिन्न ठाउँमा रहेका पार्क जस्ता स्थानले यस वडाकोे सौन्दर्यता बढाएको छ ।
वडा नं. १० ले समृद्ध वडा र सुखी वडाबासीको परिकल्पना अनुरुप विभिन्न नीति तथा कार्यक्रमको निर्माण र सोको कार्यान्वयन गर्दै आइरहेको छ । खासगरी नेपालको संविधान २०७२ जारी भएपछि सम्पन्न भएको पहिलो स्थानीय निर्वाचान २०७४ मा वडाध्यक्ष सुन्दरबहादुर केसीको नेतृत्वमा निर्वाचित जनप्रतिनिधिहरुको आगमन पश्चात नागार्जुन १० नं वडाले लोभ लाग्दो प्रगति हाँसिल गरेको छ ।